بنگلورو یکم جنوری (ایس او نیوز) مشہورکنڑا فلمی اداکار شیوراجکمار نے کہاکہ پنیت راجکمار کی جانب سے آنکھوں کا عطیہ کرنے کے بعد ہزاروں کی تعداد میں عوام آنکھوں کا عطیہ دینے آگے آرہے ہیں جو ایک بہترین پیش رفت ہے -پنیت راجکمار کی موت کو دوماہ گزرجانے کی وجہ سے ان کی سمادھی کا دورہ کرنے کے بعد اخباری نمائندوں سے بات کرتے ہوئے شیوراجکمار نے اس خیال کا اظہارکیا -انہوں نے کہاکہ پنیت کو بھلانا بے حد مشکل ہے اوران کی سمادھی کے پاس آنے سے تھوڑا سکون ملتا ہے اس لئے اہل خانہ کے ساتھ یہاں کا دورہ کیا ہے - اس موقع پر خطاب کرتے ہوئے راگھویندرا راجکمار نے کہاکہ آنکھوں کو ٹی میں دفن کرنے یا آگ میں جلانے سے بہتر ہے کہ کسی کو روشنی بخشیں -انہوں نے کہاکہ ان کے والد آنجہانی ڈاکٹر راجکمار نے ان کے اہل خانہ کو آنکھوں کا عطیہ کرنے کی ترغیب دلائی ہے -اس موقع پر شیوراجکمار کی اہلیہ گیتا راجکمار، پنیت کی اہلیہ اشونی، دھرتی اوروندیتا،لکشمی، پورنیما ودیگر حاضر رہے -